تابعونا على الفيسبوك

Disqus

الفرق بين البحث التمهيدي و البحث التمهيدي المعمق في مباراة الشرطة القضائية

السلام عليكم ورحمة الله تعالى وبركاته
الفرق بين البحث التمهيدي و البحث التمهيدي المعمق
في مباراة الشرطة القضائية


كيف كتعرفوا عملية البحث في مجال الأمن لي كتقوم بها المديرية العامة للأمن الوطني بتعاون مع مختلف الأجهزة الأمنية الأخرى تنقسم لجوج ديال الأنواع (البحث التمهيدي) و (البحث المعمق) شنو كيعنيو والفرق بيناتهم؟
البحث #التمهيدي هو واحد الإجراء كيقوموا به جوج ديال الأجهزة "إر جي" (الولاية ويمكن ندخلوا معاهم الاستعلامات) و"الديستي" (المخابرات)، هاد البحث اذا نجحتي فيه كيسمح ليك تبدا السطاج بشكل عادي؛
شنو كيركزوا فهاد البحث؟
- كيعتمدوا فيه على النظم المعلوماتية وكيجبدوا حسن السيرة ديال أفراد العائلة.
- كيسولوا عليك اعوان السلطة (الشيخ - المقدم).
- يقدر يجيو لعندك للحومة يسولوا عليك أو يجيو للدار نيشان.
واذا كنت مزوج يسولوا على الزوجة ديالك والمحيط ديالها ايضا.
- ممكن يتصل بك المخبر ويسولك بنفسه.
وهنا ضروري نفتح واحد القوس ونقول ( أنه عملية البحث لا تتم بشكل جماعي وإنما بشكل فردي أي كل مترشح على حدة، لذلك عملية البخث قد تطول عند البعض وقد تقصر عند البعض الآخر وذلك راجع لأسباب منها عدد أفراد العائلة لي كيختلف من مترشح لآخر وكذا الوتيرة لي خدامة بها اللجنة المكلفة بالبحث).
أما البحث #المعمق فهو كيستمر واخا بديتي السطاج وكيكون فيه التحقيق والبحث بشكل تفصيلي اي أنه كيشدوا كل عنصر من أفراد العائلة وكيديرو عليه البحث وممكن يتصلوا ببعض افراد العائلة من أجل الاستجواب، واذا شكوا فشي واحد من الأسرة انه كينتمي مثلا لشي جماعة او كيقوم بشي ممارسات مشبوهة عندئد كيوضعوه تحت الحراسة ويبحثوا عليه بشكل مفصل.
البحث المعمق باختصار هو أكثر دقة من التمهيدي وكيكون فيه المخبر والأجهزة مطالبة بتقديم تقرير مفصل على المترشح نفسه وعلى أفراد عائلته.
فالبحث المعمق اذا قدر الله وكان البحث سلبي ممكن يتقصى المترشح وخا يكون بدا السطاج وقرب يتخرج للأسف كيتقصى، لهلا يحط شي حد فهاد الموقف.
من سلبيات البحث المعمق هو انك واخا غادي تكون فالسطاج غادي يدوز عليك سطاج تحث الضغط ديما غادي يبقى يجيك ديك الهاجس ديال انك مهدد واخا تكون امورك مزيان، تولي نهار تسمع سميتك من عند الإدارة يطيح فيك النصف تقول صافي مشيت فيها. وهاد المسألة ماشي فصالح لا المترشح لا المديرية حيث غادي يكونوا المتدريبين مضغوطين وخايفين لهذا الصراحة البحث المعمق تا هو خاصو يكون قبل الالتحاق باش ديك الساعة المترشح يولي مسؤول فقط على تصرفاته داخل المدرسة وعلى اخطائه ماشي على اخطاء العائلة فالبحث.
باختصار كيف قلنا نجاحك فالبحث التمهيدي كافي باش تبدأ السطاج، لكن لا يعني نجاحك نهائيا إذ انه البحث المعمق يبقى جاري البحث فيه حتى بعد انطلاقك فالسطاج.
والله الموفق
منقول من صفحة القادة الجدد : مترشحي الأمن بالممكلة المغربية
التصنيف :
هام : هذا الموضوع ضمن تصنيفات المدونة زووم العربية نشكرك للمتابعة . يمكنك نقل الموضوع من المدونة لكن بشرط يجب ذكر المصدر و ذكر رابط الموضوع الاصلي قبل نقل أي موضوعالمرجوا زيارة صفحة الخصوصية
نسخ الرابط
نسخ للمواقع

0 التعليقات:

يتم التشغيل بواسطة Blogger.

المساهمات

المساهمات
contentieux des affaires ( ISSN ) 2508-9293 © 2014-2016